കൈത്താക്കാലം
4⃣ ഞായർ മർക്കോസ് 7: 1-13

Biblical and Historical Background

പലസ്തീന് പുറത്ത് താമസിക്കുന്ന വിജാതീയ ക്രിസ്ത്യാനികൾക്ക് വേണ്ടിയിട്ടാണ് മർക്കോസ് സുവിശേഷം എഴുതിയത്. അതുകൊണ്ടാണ് അവർക്ക് അത്ര പരിചയമില്ലാത്ത യഹൂദ പാരമ്പര്യങ്ങളെ പുള്ളി നല്ല പോലെ വിവരിക്കുന്നത്. മാത്രമല്ല 'കൊർബാൻ' എന്നുള്ള ഹീബ്രു വാക്ക് ഉപയോഗിക്കുമ്പോൾ അതിന്റെ അർത്ഥവും കൂട്ടത്തിൽ പറഞ്ഞിരിക്കുന്നു.

പഴയനിയമത്തിലെ ലേവി പുസ്തകം 11- 15 അധ്യായങ്ങളിൽ യഹൂദരുടെ ശുദ്ധീകരണ നിയമങ്ങൾ ഡീറ്റെയിൽ ആയിട്ട് കൊടുത്തിട്ടുണ്ട്. യഹൂദർ, പ്രതേകിച്ചു ഫരിസേയർ ഇവ വള്ളി പുള്ളി തെറ്റാതെ പാലിക്കാൻ ശ്രമിച്ചിരുന്നു. ഇതിനുപുറമേ തങ്ങളുടെ പൂർവിക പാരമ്പര്യങ്ങളും മോശയുടെ നിയമത്തേക്കാൾ Strict ആയി ഇവർ പാലിച്ചു പോന്നു. (നിയമാവർത്തന പുസ്തകത്തിലും ലേവിയുടെ പുസ്തകത്തിലും ഇത്തരത്തിലുള്ള നിയമങ്ങളുടെ Detali Explanation കാണാം)

1. ഈശോയും പാരമ്പര്യങ്ങളും

കാര്യം ശരിയാണ് ഈശോ യഹൂദരുടെ പല പാരമ്പര്യങ്ങളെയും എതിർക്കുന്നുണ്ടെങ്കിലും പൂർണമായും അവയെ തള്ളിക്കളയുന്നില്ല. കാരണം ഈശോയും യഹൂദ നിയമങ്ങൾക്കും പാരമ്പര്യങ്ങൾക്കും ഒരു പരിധി വരെ വിധേയമാക്കപ്പെട്ട് ജീവിച്ച മനുഷ്യൻ ആണ്. ഉദാഹരണം ഈശോ യഹൂദനിയമത്തിന് വിധേയമായി പരിച്ഛേദനം ചെയ്തിട്ടുണ്ട്, ദേവാലയത്തിൽ തിരുനാളിന് പോയിട്ടുണ്ട്, സാബത്തു അനുഷ്ഠിച്ചിട്ടുണ്ട്,സിനഗോഗിൽ പ്രാർഥിച്ചിട്ടുണ്ട്. അതേസമയം അനാവശ്യമായ നിയമങ്ങൾക്കും പാരമ്പര്യങ്ങൾക്കും അമിതപ്രാധാന്യം നൽകുന്ന യഹൂദ- ഫരിസേയ വ്യവസ്ഥിതിയെ ചോദ്യം ചെയ്യുകയും തള്ളി പറയുകയും ചെയ്തിട്ടുണ്ട്. സ്വാർത്ഥ താൽപര്യങ്ങൾക്കായി നിയമങ്ങളെയും പാരമ്പര്യങ്ങളെയും വളച്ചൊടിക്കുകയും മനുഷ്യനെ ബുദ്ധിമുട്ടിക്കുകയും ചെയ്യുന്ന ജീവിതരീതിയെ ഈശോ എതിർക്കുന്നുമുണ്ട്. മനുഷ്യന്മാർക്ക് അനാവശ്യ ബുദ്ധിമുട്ടുണ്ടാക്കുന്ന പാരമ്പര്യ അനുഷ്ഠാനങ്ങൾ മാറ്റി കളയാൻ ആയിട്ടാണ് അവിടുന്നു ആവശ്യപ്പെടുന്നത്.
പണ്ട് ഗാന്ധിജി നെഹ്റുവിനോട് ഇങ്ങനെ പറഞ്ഞതായി കേട്ടിട്ടുണ്ട്. "താങ്കൾ ഇന്ത്യയിൽ ഒരു നിയമം കൊണ്ടുവരുമ്പോൾ ഇവിടുത്തെ പാവപ്പെട്ട മനുഷ്യന് അത് എത്രത്തോളം ഉപകാരം ഉണ്ടാകുന്നു എന്ന് ചിന്തിക്കുക ; അവനു അതു ഉപദ്രവമാണ് ഉണ്ടാക്കുന്നതെങ്കിൽ ആ നിയമം കൊണ്ട് പ്രയോജനമില്ല" എന്ന്. നമ്മുടെ പല പാരമ്പര്യങ്ങളെയും അടിസ്ഥാനം പഴയ സന്യാസിയും പൂച്ചയുടെയും കഥ പോലെയാണെന്ന് അറിയല്ലോല്ലേ..?
ഏത്.....? വലിയ സന്യാസി പൂജ ചെയ്യാൻ സമയത്ത് അദ്ദേഹത്തിൻറെ പൂച്ച അദ്ദേഹത്തെ ശല്യപ്പെടുത്തിയ കാരണം അതിനെ പിടിച്ചു തൂണിൽ ക്കെട്ടിയിട്ടു. കൊച്ചു സന്യാസിമാർ നോക്കുമ്പോൾ വലിയ സന്യാസി പൂജാ സമയത്തു പൂച്ചയെ കെട്ടിയിടുന്നു. ... പിന്നീട് വർഷങ്ങൾ കഴിഞ്ഞു .വലിയ സന്യാസി മരിച്ചു. പൂച്ചയും ചത്തു. കൊച്ചു സന്യാസിമാർ പൂജ ചെയ്യാൻ ആരംഭിച്ചപ്പോൾ ചത്തുപോയ പൂച്ചയ്ക്ക് പകരം അവർ മറ്റൊരു പൂച്ചയെ ‍⬛വാങ്ങി. അതിനെ തൂണിൽ കെട്ടിയിട്ട് പൂജ ചെയ്യാൻ തുടങ്ങി. തലമുറ വീണ്ടും കഴിഞ്ഞു പോയി. പൂജ ചെയ്യണമെങ്കിൽ പൂച്ചയെ ‍⬛കെട്ടിയിടണം എന്നുള്ള ചിന്തയായിരുന്നു അടുത്ത തലമുറയ്ക്ക്. പിന്നീട് വരുന്ന തലമുറയാകട്ടെ പൂച്ചയും പൂജയും തമ്മിലുള്ള ബന്ധത്തെക്കുറിച്ച് പ്രബന്ധം എഴുതാനും ഡിഗ്രി -ഡോക്ടറേറ്റ് നേടാനും തുടങ്ങി.... ദേ ഇത്രേ ഉള്ളൂ നമ്മുടെ പല കാര്യങ്ങളും.. അതുകൊണ്ട് പഴയ കുഞ്ഞൻ നമ്പ്യാരുടെ വരികൾ ഓർത്താൽ നല്ലതാണ്
"ഇന്നലെ ചെയ്തൊരബദ്ധം
ഇന്നത്തെ ആചാരമതാകാം നാളത്തെ ശാസ്ത്രവുമതാകാം അതുകൊണ്ട് സമ്മതം നൽകായിക രാജൻ ..!!!

2. അധരവും ഹൃദയവും‍

കാപടനാട്യക്കാർ എന്നാണ് ഈശോ പലപ്പോഴും ഫരിസേയരെ വിളിച്ചിരുന്നത്. 'Hypocrites' എന്ന വാക്ക് 'hypokrition' എന്ന ഗ്രീക്ക് വാക്കിൽ നിന്നു വന്നതാണ്. Acting on the stage or Actor എന്നെല്ലാമാണ് അതിന്റെ അർത്ഥം. പലപ്പോഴും നമ്മുടെ ജീവിതം ഒരു അഭിനയം ആയി മാറുന്നുണ്ടോ എന്നു ചിന്തിക്കുക. തമ്പുരാന്റെ മുന്നിൽ, അധികാരികളുടെ മുന്നിൽ, കൂട്ടുകാരുടെ മുന്നിൽ വേണ്ടപ്പെട്ടവരുടെ മുന്നിൽ വെറും അഭിനയം നടത്തി ജീവിക്കേണ്ടി വരുന്ന അവസ്ഥയിലേക്ക്അധഃപതിച്ചു പോയിട്ടുണ്ടോ..? 'Be genuine and be sincere ...' ആളുകൾക്കു എളുപ്പം മനസിലാകും ഏതാണ് Original , ഏതാണ് Dulicate.

അധരം കൊണ്ട് സ്തുതി പാടുകയും ഹൃദയംകൊണ്ട് പരിഹസിക്കുകയും ചെയ്യുന്ന തലമുറ എല്ലാ കാലഘട്ടത്തിലും ഉണ്ട്. അടുത്തിടെ നമ്മുടെ നാട്ടിൽ ക്രൈസ്തവർക്ക് എതിരായിട്ടുള്ള അക്രമങ്ങളെ കുറിച്ചുള്ള ചർച്ചകൾ കാണുകയും കേൾക്കുകയും ചെയ്യുമ്പോൾ നമുക്ക് മനസ്സിലാകുന്ന ഒരു സംഗതി നമുക്ക് ചുറ്റുമുള്ള രാഷ്ട്രീയ നേതൃത്വം‍‍⬛‍ ചിലപ്പോഴൊക്കെ അധരങ്ങൾ കൊണ്ട് നമ്മുക്ക് കട്ട സപ്പോർട്ട് തരുന്നു. അതായത് അവർ നമുക്ക് വേണ്ടി സംസാരിക്കുന്നു... നമ്മെ ആശ്വസിപ്പിക്കുന്നു... നമ്മെ ധൈര്യപ്പെടുത്തുന്നു... അതേ സമയം ഉള്ളിൽ ദേഷ്യവും വൈരാഗ്യവും വെച്ചു കൊണ്ടു നമ്മുടെ നാശത്തിനയുള്ള നിലപാടുകൾ, പ്രവർത്തനങ്ങൾ ചെയ്യുകയും ചെയ്യുന്നു. അതാണ് ഈശോ പറയുന്നത് അത്തരത്തിലുള്ള കപടനാട്യക്കാർ എല്ലാ കാലഘട്ടത്തിലും എല്ലാ നാട്ടിലുമുണ്ട് അവരെ സൂക്ഷിക്കണം...!

3. 'കൊർബാൻ'

ഈ വാക്കിനർത്ഥം 'വഴിപാട്' എന്നാണ്. എന്തെങ്കിലും ആരെയെങ്കിലും ദേവാലയത്തിൽ 'കൊർബാൻ' ആക്കി മാറ്റിയാൽ പിന്നെ അവരുടെ കാര്യം ദൈവം നോക്കും. തങ്ങൾക്കു ഉത്തരവാദിത്തത്തിൽ നിന്നും ഒഴിവ് കിട്ടും എന്ന അവസ്ഥ.
പഴയ നിയമത്തിലെ മോശയുടെ കല്പനകൾ ആയാലും പുതിയ നിയമത്തിന് ഈശോ നൽകുന്ന ഉപദേശങ്ങളിൽ ആയാലും മാതാപിതാക്കന്മാരെ ബഹുമാനിക്കാൻ ആയിട്ട് ആവർത്തിച്ച് ആവശ്യപ്പെടുന്നുണ്ട്.
അടുത്തകാലത്ത് നമ്മുടെ നാട്ടിൽ നടക്കുന്ന പല സംഭവങ്ങളും ഒരു കുലീന സമൂഹത്തിന് ചേർന്നതല്ല.. ലഹരിക്ക് അടിമപ്പെട്ട് അപ്പനെ കൊല്ലുന്ന മകൻ, അമ്മയെ ബലാൽക്കാരം ചെയ്യുന്ന മകൻ, മാതാപിതാക്കളെ അനാഥാലയത്തിൽ ഉണ്ടാക്കുന്ന മക്കൾ, അപ്പൻറെ മൃതദേഹം പോലും വീട്ടിൽ കയറ്റാൻ കൂട്ടാക്കാത്ത മകനും മരുമകളും അങ്ങനെ നീണ്ടു പോകുന്നു... മാതാപിതാക്കന്മാരെ ബഹുമാനിക്കാൻ ആയിട്ട് പഠിക്കുന്നത് നല്ലതാണ്.
എന്തായാലും എന്തെങ്കിലും ന്യായം പറഞ്ഞു കാരന്നവന്മാരെ നോക്കുന്നതിൽ ഒഴിവു നേടാൻ നമ്മുടെ ആളുകൾക്കും താത്പര്യമാണ്. വീട് ചെറുതാണ്. ഇവിടെ യൂറോപ്യൻ ക്ലോസറ്റ് ഇല്ല; ചേട്ടന്റെ വീട്ടിൽ അതുണ്ട്. അവിടെ ആശുപത്രി സൗകര്യം ഉണ്ട് etc. എന്തായാലും നമ്മുടെ കാരന്നവന്മാരെ ബഹുമാനിക്കാൻ ആയിട്ടുള്ള ഉത്തരവാദിത്വം നമുക്കുണ്ട്. അതു ഇളം തലമുറയെ പഠിപ്പിക്കണം.
പിതാവിനെ ബഹുമാനിക്കുന്നവന്‍ തന്റെ പാപങ്ങള്‍ക്കു പ്രായശ്‌ചിത്തം ചെയ്യുന്നു.അമ്മയെ മഹത്വപ്പെടുത്തുന്നവന്‍നിക്‌ഷേപം കൂട്ടിവയ്‌ക്കുന്നു.
പിതാവിനെ ബഹുമാനിക്കുന്നവന്‍ദീര്‍ഘകാലം ജീവിക്കും;
കര്‍ത്താവിനെ അനുസരിക്കുന്നവന്‍തന്റെ അമ്മയെ സന്തോഷിപ്പിക്കുന്നു.
പ്രഭാഷകന്‍ 3 : 4- 6

▤Homily 20 -മത്തായി 13: 44-52⌄

കൈത്താക്കാലം ഞായർ 4⃣
മത്തായി 13: 44-52

Biblical Background

സ്വർഗ്ഗരാജ്യം നേടിയെടുക്കുവാൻ ആയിട്ടുള്ള ചില കാര്യങ്ങളാണ് ഇന്നത്തെ വായനയുടെ മൊത്തത്തിലുള്ള 'ഹൈലൈറ്റ്'. ആദ്യ വായനയിൽ നിയമാവർത്തന പുസ്തകത്തിൽ ദൈവം മോശ വഴി ഇസ്രായേൽ ജനത്തെ ഓർമിപ്പിക്കുന്നത് വാഗ്ദനഭൂമി നേടിയെടുക്കാൻ കൽപ്പനകൾ പാലിക്കണം എന്നാണ്. അതു മക്കളെ പഠിപ്പിക്കണം അതിനെക്കുറിച്ച് എപ്പോഴും കിടക്കുമ്പോഴും യാത്ര ചെയ്യുമ്പോഴും വീട്ടിലായിരിക്കുമ്പോഴും സംസാരിക്കണം എന്നല്ലാമാണ്. രണ്ടാം വായനയിൽ എസക്കിയേൽ പ്രവാചകൻ പറയുന്നത് പാപം ചെയ്യാതെ ജീവിച്ചാൽ നിത്യ ജീവൻ ലഭിക്കും എന്നാണ്. എന്നുള്ളതാണ് ലേഖനത്തിൽ ഓർമിപ്പിക്കുന്ന ഒരു കാര്യം വചനത്തിലൂടെയും കത്തുകളിലൂടെയും പുള്ളി പടിപ്പിച്ച കാര്യത്തിൽ ഉറച്ചു നിൽക്കുവിൻ എന്നാണ്. സുവിശേഷത്തിൽ ആകട്ടെ ഈശോ ഉപമകളിലൂടെ ദൈവരാജ്യം നേടാനുള്ള ചില വഴികൾ ഈശോയും പറഞ്ഞു തരുന്നു.

മത്തായുടെ സുവിശേഷത്തെ
അഞ്ചു പ്രധാന പ്രഭാഷണങ്ങൾ ( Discourses) ആയി തിരിച്ചിരിക്കുന്നു.
1.മലയിലെ പ്രസംഗം (Sermon on the Mountain)
2. ദൈവരാജ്യം പ്രഘോഷണ പ്രഭാഷണങ്ങൾ
(Mission Discourse) 3. ഉപമകളിലൂടെയുള്ള പ്രഭാഷണങ്ങൾ (Parable Discourse)°

4.സഭാപരമായ പ്രഭാഷണങ്ങൾ (Ecclesiological Discourse)

5. യുഗാന്ത്യ പ്രഭാഷണങ്ങൾ (Eschatological Discourse)

ഇതിൽ പതിമൂന്നാം അധ്യായം ഉപമകളിലൂടെയുള്ള പ്രഭാഷണത്തിൽ പെടുന്നതാണ്. അഞ്ചാറ് ഉപമകളെങ്കിലും ഈ അധ്യായത്തിൽ നമുക്ക് കാണാം വിതക്കാരന്റെ ഉപമ കളകളുടെ ഉപമ
കടുകുമണിയുടെ ഉപമ
വയലിൽ ഒളിച്ചിരിക്കുന്ന നിധിയുടെ ഉപമ രത്നങ്ങൾ തേടുന്ന വ്യാപാരിയുടെ ഉപമ കടലിൽ എറിഞ്ഞ വലയുടെ ഉപമ.

Interpretation

സുവിശേഷം പറയുന്നത് ദൈവരാജ്യം എന്ന നിധി കണ്ടെത്തുന്നവൻ അതു സ്വന്തമാക്കാൻ എടുക്കേണ്ട കഷ്ടപ്പാടിനെ കുറിച്ചാണ്.
3 ഘട്ട ങ്ങളായി അതിനെ തിരിക്കാം.

1. അന്വേഷണം
2. കണ്ടെത്തൽ
3. സ്വന്തമാക്കൽ

*1. അന്വേഷണം: Treasure Hunting*

കുട്ടികൾക്കിടയിൽ Treasure Hunting എന്ന ഒരു കളിയുണ്ട്. അതായത് ഒരു സ്ഥലത്ത് നിധി ഒളിപ്പിച്ചു വക്കുന്നു പിന്നെ ആ സ്ഥലത്തിന്റെ ചില സൂചനകൾ അവർക്ക് നൽകുന്നു. കുട്ടികൾ ആ സൂചനകൾ വച്ചു ആ നിധിയിരിക്കുന്ന സ്ഥലം അന്വേഷിച്ചു കണ്ടെത്തി നിധി സ്വന്തമാക്കുന്നവർ വിജയിക്കും. നിധി സ്വന്തമാക്കാനുള്ള മാർഗം എത്രയും വേഗം അതു അനേഷിച്ചു ഇറങ്ങുക എന്നതാണ്.
പൗലോ കൊയ്ലോയുടെ ' ആൽക്കമെസ്റ്റി'ലെ സന്തിയാഗോ എന്ന ഇടയചെറുക്കനെ പോലെ.. നിധി അന്വേഷിച്ചുകൊണ്ടുള്ള യാത്രയാണ് കഥയുടെ ഇതിവൃത്തം.

അപ്രകാരം ഒരു അന്വേഷണത്തിനായുള്ള ആഗ്രഹം നമ്മുടെ ജീവിതത്തിലും ഉണ്ടാകണം. ഒരു അനേഷണ ത്വര പുതിയ കാര്യങ്ങൾ കണ്ടെത്താൻ നമ്മെ സഹായിക്കും. പഴയ കാലത്ത് പല നാവികരും ശാസ്ത്രഞരുമെല്ലാം ഇത്തരം ചില അന്വേഷങ്ങളിലൂടെ ആണല്ലോ വലിയ വലിയ കണ്ടു പിടുത്തങ്ങൾക്ക് വഴി തെളിയിച്ചത്.

ആത്മീയതയുടെ കാര്യത്തിലും ഇത്തരത്തിൽ ഒരു അന്വേഷണ ത്വര നല്ലതാണ്. ദൈവം വിലയേറിയ രത്നം പോലെ, നിധിപോലെ മൂല്യമേറിയതാണ്. അത് നമ്മൾ ഓരോരുത്തരും അന്വേഷിച്ചു തന്നെ കണ്ടെത്തണം.
ബുദ്ധനും ശങ്കരനുമെല്ലാം അവരുടെ ആത്മീയ അന്വേഷണത്തിൽ നിന്നാണല്ലോ എല്ലാം ആരംഭിച്ചത്.

ദൈവത്തെ അന്വേഷിച്ചു കണ്ടെത്താനായിട്ട് വ്യത്യസ്തമായി വഴികൾ ഉണ്ട്.

ചിലർ വി. അഗസ്‌തിനൊസിനെ പോലെയോ വി. തോമസ് അക്വിനാസിനെപോലെയോ അറിവാകുന്ന മാർഗത്തിലൂടെ സഞ്ചരിച്ചുകൊണ്ട് ഈശോയെ കണ്ടെത്താൻ സ്വന്തമാക്കാൻ ശ്രമിക്കുന്നു.

മറ്റു ചിലർ വി. കൊച്ചു ത്രേസ്യേയേയോ അല്ലങ്കിൽ വി. ഫ്രാൻസിസ് അസീസിയെ പോലെയോ സ്നേഹമാകുന്ന‍‍ വഴിയിലൂടെ സഞ്ചരിച്ചു ഈശോ ആകുന്ന നിധി സ്വന്തമാക്കുന്നു.

വി. അൽഫോൻസമ്മയെ പോലുള്ളവർക്ക് സഹനമാണ് വഴി,

വി. എവുപ്രാസ്യ അമ്മക്ക് പ്രാർത്ഥനയാണ് മാർഗം.

വി. മദർ തെരേസയ്ക്ക് അകട്ടെ *സത്പ്രവർത്തികൾ ആയിരുന്നു* ഈശോയാകുന്ന നിധി സ്വന്തമാക്കാനുള്ള മാർഗം.

വ്യത്യസ്ത മനുഷ്യർക്ക് ഈശോയിലേക്ക് വ്യത്യസ്ത വഴി...
ഈ വഴികളെല്ലാം പരസ്പരം ബന്ധപ്പെട്ട് കിടക്കുന്നു....

ആട്ടെ.... ദൈവ അന്വേഷണത്തിനുള്ള നിൻറെ വഴി ഏതാണ്...?
ആ അന്വേഷണത്തിൽ വഴിതെറ്റിയാണ് നീ സഞ്ചരിക്കുന്നതെങ്കിൽ ഒന്നു മാറ്റിപ്പിടിക്കുക.

2.കണ്ടെത്തൽ

ആൽക്കമിസ്റ്റിൽ നിന്നു തന്നെ തുടങ്ങാം... സാന്തിയാഗോ എന്നുള്ള ഇടയ ചെറുക്കൻ ഒരു ദേവാലയ മുറ്റത്ത് കിടന്നുറങ്ങുമ്പോൾ സ്വപ്നം കാണുകയാണ്. അങ്ങു ദൂരദേശത്തു പിരമിഡുകളുടെ നാട്ടിൽ ഒരു നിധി ഒളിച്ചിരിക്കുന്നു. താൻ ആവർത്തിച്ചു കാണുന്ന ആ സ്വപ്നത്തിലെ നിധി സ്വന്തമാക്കുവാനായി അവൻ തൻറെ ദേശവും കുടുംബവും ആടുകളേയും വിട്ട് യാത്രയാവുകയാണ്. കഷ്ടപ്പാടുകളും ദുരിതങ്ങളും സങ്കടങ്ങളും പ്രശ്നങ്ങളും കടന്ന് അവൻ പിരമിഡ്കളുടെ നാട്ടിൽ എത്തുന്നു അപ്പോൾ അവൻ ആ സത്യം തിരിച്ചറിയുന്നു ആ വലിയ നിധി അവൻ അന്വേഷിച്ചു പോയ നാട്ടിൽ ആയിരുന്നില്ല മറിച്ച് അവൻ സ്വപ്നം കണ്ടുറങ്ങിയ ദേവാലയത്തിന്റെ തിരുമുറ്റത്തായിരുന്നുഎന്ന്.

കഥ വളരെ മനോഹരമാണ്.
സത്യത്തിൽ എല്ലാ ഈശ്വര അന്വേഷങ്ങളും അവസാനിക്കുന്നത് സ്വന്തം ദേവായത്തിലേക്കാണ്. അവിടെയാണ് ദിവ്യകാരുണ്യ ഈശോയാകുന്ന നിധി ഒളിച്ചിരിക്കുന്നത്. എവിടെയൊക്കെ അന്വേഷിച്ചാലും അലഞ്ഞാലും ഒടുവിൽ ആ ദേവാലയത്തിലെ ദിവ്യകാരുണ്യ ഈശോയിലേക്ക് തിരിച്ചു വരണം...

കുറച്ചുകൂടി ആഴത്തിൽ ചിന്തിച്ചാൽ(ഒരുപാട് ആഴത്തിൽ ചിന്തിക്കേണ്ട...) ദൈവരാജ്യം തേടിയുള്ള ഒരാളുടെ യാത്ര അവസാനിക്കുന്നത് അവനവനിലേക്കാണ്.
ആബേലച്ചന്റെ പഴയ പാട്ട് വല്ലപ്പോഴൊക്കെ ഓർക്കുന്നത് നല്ലതാണ്.

"ഈശ്വരനെ തേടി ഞാൻ അലഞ്ഞു ...
കടലുകൾ കടന്നു ഞാൻ തിരഞ്ഞു...."

പുഴയിലും മലയിലും കാനന ചോലയിലുമൊക്കെ അലഞ്ഞു
ഒടുവിൽ സ്വന്തം ഉള്ളിലേക്ക് തിരിഞ്ഞപ്പോൾ അവിടെ ഈശ്വരനെ കണ്ടെത്തുന്നു. അതും സ്നേഹമെന്ന രൂപത്തിൽ എല്ലായിടത്തും ദൈവത്തെ തിരഞ്ഞു കഴിഞ്ഞെങ്കിൽ ഇനി അവനവൻറെ ഉള്ളിലേക്ക് ഒന്ന് തിരിയുക. തീർച്ചയായിട്ടും അവിടെ ദൈവ രാജ്യം കണ്ടെത്തും .

കസ്തൂരി തേടി അലയുന്ന കസ്തൂരി മാനിനെ പോലെയാണ് നമ്മൾ. ഉള്ളിന്റെ ഉള്ളിലെ ദൈവരാജ്യം കാണാതെ നമ്മൾ വേറെ എവിടെയോ അത് തിരഞ്ഞു കൊണ്ടിരിക്കുന്നു. അന്വേഷിക്കുന്നവർക്ക് അവനെ കണ്ടെത്താൻ പറ്റും തീർച്ച... ക്രിസ്തു ആകുന്നനിധി ഒളിച്ചിരിക്കുന്ന വയൽ നിന്റെ ഹൃദയമാണ്...
ഈശോ തന്നെ പറയുന്നു
"ഇതാ ഇവിടെ, അതാ അവിടെ എന്നു ആരും പറയുകയുമില്ല. എന്തെന്നാല്‍, ദൈവരാജ്യം നിങ്ങളുടെ ഇടയില്‍ത്തന്നെയുണ്ട്‌."ലൂക്കാ 17 : 21

(നമ്മുടെ ഹൈന്ദവ പാരമ്പര്യങ്ങളിലെ 'അഹം ബ്രഹ്മാസ്മി,' 'തത്ത്വമസി' എന്നൊക്കെ പറയുന്ന ഒരു ആത്മീയത വേണമെങ്കിൽ ഇതു മായി ചേർത്തു വായിക്കാവുന്നതാണ്)

3.ഉപേക്ഷിച്ച് നേടിയെടുക്കുക

നിധി കണ്ടെത്തിയവും വിലയേറിയ രത്നം കണ്ടെത്തിയവനും തനിക്കുള്ളതെല്ലാം വിറ്റു പറക്കിയിട്ടാണ് എങ്കിൽ കൂടി അതു സ്വന്തമാക്കി എന്നണ് സുവിശേഷത്തിൽ കാണുന്നത്.

വലിയ സ്വർണ്ണശേഖരങ്ങൾ കണ്ടെത്തുന്ന വ്യക്തികൾ തങ്ങളുടെ വലിയ സമ്പത്തും സമയവും ചിലവഴിച്ചു ആ സ്വർണ്ണ മല/ശേഖരം സ്വന്തമാക്കാൻ ശ്രമിക്കുന്നു എന്നുള്ള കഥ പല സിനിമകളിലും നമ്മൾ കണ്ടിരിക്കും കേട്ടിരിക്കും .

ഇനി ഇത് നിധിയുടെ കാര്യത്തിൽ മാത്രമല്ല, ഏതൊരു വലിയ കാര്യം സ്വന്തമാക്കാനും ചെറിയ ചെറിയ ചില കാര്യങ്ങൾ വേണ്ട എന്ന് വയ്ക്കാനായി മനുഷ്യൻമാർ തയ്യാറാവും നമുക്കറിയാം.
ഉദാഹരണത്തിന് പരീക്ഷ വിജയിക്കാൻ കഷ്ടപ്പെട്ടു ഉറക്കം ഒഴിച്ചു നമ്മൾ പഠിക്കും... ‍
ബോഡി strong ആക്കാൻ (ജിമ്മൻമാരാകാൻ)നല്ലപോലെ exercise ചെയ്യുകയും‍ ചില ഭക്ഷണം ഉപേക്ഷിക്കുകയും ചെയ്യും ചിലത് മാത്രം കഴിക്കുകയും ചെയ്യും അതല്ലെങ്കിൽ കളിയിൽ വിജയിക്കാൻ നന്നായി കഷ്ടപ്പെട്ട് practice ചെയ്യുക, അല്ലെങ്കിൽ കാമുകിയെ 'വളക്കാൻ' ഇമ്മടെ പല കാമുകൻമാരും നല്ല 'പണി' എടുക്കുന്നു...

എന്ന് പറഞ്ഞാൽ നമുക്ക് വലുതെന്ന് തോന്നുന്ന ചില കാര്യങ്ങൾ(Treasure) സ്വന്തമാക്കാൻ നന്നായി കഷ്ടപ്പെടാനും നമ്മുടെ കൊച്ചു കൊച്ചു കാര്യങ്ങൾ ഉപേക്ഷികാനും നമുക്കറിയാം

നിധിയും രത്നവും കണ്ടെത്തിയവൻ അതു കിട്ടാനായി തനിക്കുള്ളതെല്ലാം ഉപേക്ഷിച്ചു എന്നാണ് സുവിശേഷം പറയുക.

ക്രിസ്തുവാകുന്ന നിധി സ്വന്തമാക്കാനും ചില ഉപേക്ഷകൾ അത്യാവശ്യമാണ് . ഉദാഹരണത്തിന് പൗലോസിന്റെ കാര്യത്തിൽ അദ്ദേഹം തന്റെ യഹൂദ മതവും‍ പ്രമാണിത്തവും ഉപേക്ഷിച്ചു. ക്രിസ്തുവിനെ പ്രതി മറ്റെല്ലാം ഉച്ചിഷ്ടം പോലെ കരുതി എന്നാണ് പുള്ളി തന്നെ പറയുന്നത്. ഫ്രാൻസിസ് അസീസി കുടുംബവും സ്വന്തം ഉടുവസ്ത്രം പോലും ഉപേക്ഷിച്ചു. അഗസ്റ്റിൻ പുള്ളിയുടെ പഴയ ജീവിത ശൈലി ഉപേക്ഷിക്കുന്നു.. കാരണം ഇവർ കണ്ടെത്തിയ ക്രിസ്തു, ദൈവ രാജ്യം എതിനെക്കാനും വിലയുള്ളതായി അവർ കണക്കാക്കി.
ദൈവരാജ്യത്തിനു വേണ്ടി എന്തെല്ലാം ഉപേക്ഷിക്കാൻ നിനക്കു പറ്റും...?

സാദാരണ പറയും ഒരു 5 'P'കൾ നമ്മൾ ദൈവ രാജ്യത്തിനായി ഉപേക്ഷിക്കണം എന്ന്.
1. PERSON
2.PLACES
3. POSITION
4.POSSESSION
5. PRORITES‍

എല്ലാം കൂടി പറ്റിയില്ലെങ്കിലും എന്തെങ്കിലും ഒക്കെ പറ്റണം. ദൈവ രാജ്യത്തിനു വേണ്ടി/ഈശോയ്ക്ക് വേണ്ടി നീ എന്തു ഉപേക്ഷിച്ചുവോ അതാണ് ദൈവ രാജ്യത്തിന്റെ വില.

ചോദ്യവും ഉത്തരവും

തൻറെ നിക്ഷേപത്തിന് നിന്നു പഴയതും പുതിയതും പുറത്തെടുക്കുക എന്നതുകൊണ്ട് എന്താണ് ഉദ്ദേശിക്കുന്നത് ..?

ഇവിടെ പഴയ നിക്ഷേപം പുതിയ നിക്ഷേപം എന്നതുകൊണ്ടു ഉദ്ദേശിക്കുന്നത് പഴയ നിയമവും പുതിയ നിയമവും ആണ്. (പഴയ നിയമത്തെ ചിലപ്പോഴെല്ലാം പഴയതോൽക്കുടം എന്നും സൂചിപ്പിക്കാറുണ്ട്.) എന്ന് പറഞ്ഞാൽ പഴയ നിക്ഷേപം എന്നാൽ നിയമവും പ്രവാചകന്മാരും അടങ്ങുന്ന ഇസ്രായേൽ ജനത്തിന്റെ ആത്മീയ സമ്പത്താണ് കാര്യങ്ങളാണ്.

പുതിയ നിക്ഷേപം എന്നാൽ ഈശോ നൽകിയ പുതിയ നിയമമാണ്. ചുരുക്കി പറഞ്ഞാൽ ഈശോ പഴയനിയമത്തെയും പ്രവാചകന്മാരെയും പൂർണ്ണമായി നിരാകരിക്കുന്നില്ല. അവരെയും കൂടി ഉൾപ്പെടുത്തിയിട്ടുള്ള ഒരു ആത്മീയതയാണ് ദൈവരാജ്യം സ്വന്തമാക്കാൻ അവിടുന്ന് ആവശ്യപ്പെടുന്നത്.